Мектепте 2019 жылдың 30 қаңтар айында мектепте Қазақстан Республикасының Президенті Елбасы Нұрсұлтан Әбішұлы Назарбаевтың 2018 жылғы 5 қазан айындағы Қазақстандықтардың әл-ауқатының өсуі: табыс пен тұрмыс сапасын арттыру Жолдауын іске асыру жоспары бойынша «Жастар жылын қолдаймыз!» - тақырыбында Алматы қаласы Бостандық аудандық «Нұр Отан» партиясының өкілінің қатысуымен мектептің жоғары сынып оқушылар Кеңесінің акциясы өткізілді. Акция өткізу барысында оқушылар Елбасының жүргізіп отырған жастар саясатына қолдау көрсетті, өздерінің ел болашағына қосатын үлесі туралы әңгіме қозғап, патриоттық бағытта тәрбие үлгілерін көрсетті.

2019 жылдың 22 қаңтар айында мектепте Қазақстан Республикасының Президенті Елбасы Нұрсұлтан Әбішұлы Назарбаевтың 2018 жылғы 5 қазандағы Қазақстандықтардың әл-ауқатының өсуі: табыс пен тұрмыс сапасын арттыру Жолдауын іске асыру жоспары бойынша «Мен 7-20-25 бағдарламасының қатысушысымын» - тақырыбында тұрғын үй құрылыс жинақ банкі өкілімен кездесу өткізілді. Кездесу барысында мектеп-интернатта қызмет ететін жас мамандарға «7-20-25», «Нұрлы жол», «Нұрлы жер» және басқа да мемлекеттік ипотекалық несие беру бағдарламаларын, баспана алу шарттарын түсіндірді.

2019 жылдың 06 ақпан айында қазақтың ақиық ақыны, драматург Мұқағали Мақатаевтың туған күніне орай мектепте «Үш бақытым» атты жоғары сынып оқушылары арасында әдеби-сазды кеш өткізілді. Бұл кештің мақсаты ақынның туындылары арқылы оқушыларды әсемдікке, ұлтжандылыққа тәрбиелей отырып поэзия әлемінің сырын ашу. Кеш барысында оқушылар өз туындыларын оқып, шығармашылықтарын, өнерлерін ортаға салды.

Арнайы фортепиано бөлімінің педагогы, Қазақстан Республикаының Мәдениет үздігі – Каражигитова Шолпан Наримановна Қазақстан Республикасының Президенті Н.Ә.Назарбаевтың Жарлығымен Қазақстан Республикасының Тәуелсіздік күніне орай біртуар жетістері мен оқушыларды тәрбиелеудегі ерекше жетістіктері үшін «Құрмет» Орденімен марапатталды. 

Қазақтың халық аспаптар бөлімінің меңгерушісі, ҚР Еңбек сіңірген қызметкері – Адилов Қайырбек Нұрышұлы Қазақстан Республикасының Президенті Н.Ә.Назарбаевтың Жарлығымен Қазақстан Республикасының Тәуелсіздік күніне орай жас музыканттарды тәрбиелеудегі тамаша жетістіктері үшін «Ерен еңбегі үшін» мадалімен марапатталды. 

Қазақтың халық аспаптар бөлімінің педагогы, Қазақстан Республикасының білім беру үздігі, Өнертану кандидаты - Уразалиева Калия Абдуллаевна Қазақстан Республикасының мәдениет және спорт министрі А. Мұхамедиұлының бұйрығы бойынша Қазақстан Республикасының Тәуелсіздік күніне орай жас музыканттарды тәрбиелеудегі үлкен жетістіктері үшін «Мәдениет саласының үздігі» төбелгісімен марапатталды.

2018 жылдың 14 желтоқсан айында мектептің үлкен залында 16-желтоқсан Қазақстан Республикасының Тәуелсіздік күніне орай мерекелік концерт өткізілді. Концертте мектептің Биг-Бенд джаз оркестрі өнер көрсетті. Сонымен қатар тарих пәнінің мұғалімі Молдыбаева Шолпан Борибаевна Тәуелсіз Қазақстанның қалыптасуының негізгі кезеңдері мен тарих шежіресі туралы баяндамасымен ортада сөз сөйледі.

Мектепте жалпы білім беру бөлімінің қазақ тілі және әдебиеті, орыс тілі және әдебиеті, ағылшын тілі, тарих және қоғамтану пәндерінің әдістемелік бірлестіктерінің қатысуымен «Ұлы даланың ұлы есімдері» тақырыбында Қазақстан Республикасының Президенті Н.Ә.Назарбаевтың «Ұлы даланың жеті қыры» мақаласы аясында мұғалімдердің жалпы отырысы өткізілді.

Отырыста ғалымдар, жазушылар, философтардың өмірбаяндары мен шығармашылығы оқу бағдарламаларына енгізілуі туралы айтылды. Сонымен қатар, қосымша материалдар қарастырылып, оқушыларға патриоттық, азаматтық тәрбие беру, жері мен еліне деген сүйіспеншілік, отансүйгіштік қалыптастыру мәселелері қарастырылды.

Отырыста «Ұлы даланың ұлы есімдері» тақырыбында пәндер шеңберінде қолданатын нұсқаулық жазып шығару ұйғарылды.

Мектепте «Дала фольклоры мен музыкасының мың жылдығы» тақырыбында Қазақстан Республикасының Президенті Н.Ә.Назарбаевтың «Ұлы даланың жеті қыры» мақаласы аясында музыка бөлімдерінің меңгерушілері мен педагог-музыканттар арасында дөңгелек үстел өткізілді.

Дөңгелек үстел барысында мектептің педагогикалық ұжымы Қазақстанның мәдени мұрасын сақтау және асихаттау мақсатында өздерінің пәндері шеңберінде жұмыс жүргізіп, осы бағыттың іске жолдарын қарастырды.

Қатысушылардың қолдау көрсеткен пікірлері айтылды. Осы мақаланы іске асыру барысында оқушыларға патриоттық тәрбие беру ұйғарылды.

Мәдениет және спорт министрлігінің «Күләш Байсейітова атындағы дарынды балаларға арналған республикалық мамандандырылған музыкалық орта мектеп-интернаты» республикалық мемлекеттік мекемесінің директоры, ҚР Еңбек сіңірген қайраткері, «Парасат» орденінің иегері, Құрманғазы атындағы қазақ ұлттық консерваториясының профессоры Абдуллаев Оңдасын Абдуллаұлының қатысуымен 2018 жылдың 06 желтоқсан айында сағат 15.00-де ҚР Мәдениет және спорт министрлігінде Елбасы жолдауын түсіндіру бойынша және 2018 жылдың қорытындысы бойынша есеп беру баспасөз маслихаты өткізілді.

Баспасөз маслихатында Абдуллаев Оңдасын Абдуллаұлы ҚР Президентінің Халқына Жолдауында көрсетілген негізгі бағыттар дарынды балаларға арналған мамандандандырылған музыкалық мектеп жағдайында қалай іске асырылатыны туралы мәлімет берді. Ең алдымен 2019 жылдың 1 қаңтарынан бастап мектеп қызметкерлерінің жалақысының өсуі, жылдан-жылға мектепке бөлінген қаржыландырудың артуы туралы, ұстаздар мәртебесін көтеруге бағытталған іс-шаралар жайында айтылды.

Сонымен қатар, мектептің 2018 жылғы қорытындысы бойынша атқарылған ауқымды жұмыстары, жеткен жетістіктері туралы есеп берді. Негізгі шаралардың ішінде мектептің құрылғанына 70 жыл толуына тоқталды.

Баспасөз маслихатында түсірілген бейнежазбаны Facebook парақшасынан төмендегі сілтеме арқылы көре аласыздар.

https://www.facebook.com/398062810292709/videos/2008213069296730/

Мектепте 2018 жылы 9 қазан күні мектепте шығармашылық интеллигенция өкілдерімен ҚР Президенті Нұрсұлтан Әбішұлы Назарбаевтың Жолдауын талқылауға арналған кездесу өткізілді. Кездесуге мектеп-интернатта қызмет ететін мәдениет саласының қайраткерлері, білікті қызметкерлер, үздік педагог-музыканттар, музыка бөлімдерінің меңгерушілері қатысты: ҚР Еңбек сіңірген қызметкері – Даукеева М.К., ҚР Еңбек сіңірген қайраткері – Абильхаирова Т.А., ҚР білім беру ісінің үздігі – Ишкаева Д.Х., ҚР Мәдениет қайраткері – Попова Л.В. және т.б.

Скрипка және альт бөлімінің меңгерушісі, ҚР Еңбек сіңірген қайраткері – Абатова Алма Абдракашевна, Хорды дирижерлеу бөлімінің меңгерушісі, профессор – Туякбаев Досмухаммед Халмухамедович, ҚР білім беру ісінің үздігі, тарих және қоғамтану пәндерінің мұғалімі – Салпынов Жанас Нуртлеуович сөз сөйледі.

Кездесу барысында Жолдауда көрсетілген білім беру саласына арналған мәселелер ерекше орын алды. Әсіресе педагог қызметкерлердің мәртебесін көтеру туралы Заң қабылдау керектігі, оқушыларға жаңа бағдарламаларды меңгертудің маңыздылығы, заманауи техникалық құралдармен білім беру ұйымдарын қамтамасыз ету және т.б. Сонымен қатар, бюджеттік саладағы қызметкерлердің еңбек ақысын өсіру туралы айтылды. Қорытындылай келе, кездесуге қатысушылар биылғы жылғы Жолдаудың ерекшелігін атап өтіп, оның іске асырылуына қажырлы еңбектерімен өз үлестерін қосуға әзірлігін білдірді.

 

Сюжет Телеканала "Алматы", май 2018 года

2017 жылы 24-29 наурыз айы аралығында Алматы қаласында ҚР Мәдениет және спорт министрлігінің «Күләш Байсейітова атындағы дарынды балаларға арналған республикалық мамандандырылған музыкалық орта мектеп-интернаты» РММ базасында ҚР дарынды балаларға арналған мамандандырылған орта музыка мектептерінің жас орындаушылары арасында «Арнайы фортепиано» және «Үрмелі және ұрмалы аспаптар» номинациялары бойынша V республикалық конкурсы өткізілді.

Конкурсқа Қазақстанның әр түрлі аумақтарынан 198 оқушы қатысты.
Соның ішінде:

• РММ «К.Байсейітова атындағы дарынды балаларға арналған республикалық мамандандырылған музыкалық орта мектеп-интернаты» (бұдан әрі – РММ «К.Байсейітова атындағы дарынды балаларға арналған РММОМИ») Алматы қаласы - 53 оқушы;
• РММ «А.Жұбанов атындағы дарынды балаларға арналған республикалық қазақ мамандандырылған музыкалық орта мектеп-интернаты» (бұдан әрі – РММ «А.Жұбанов атындағы дарынды балаларға арналған РҚММОМИ») Алматы қаласы - 58 оқушы;
• Қазақстан Республикасы Мәдениет және спорт министрлігінің Қазақ ұлттық өнер университеті, Астана қаласы - 37 оқушы;
• Қарағанды облыстық білім басқармасының мамандандырылған музыка мектеп-интернаты, Қарағанды қаласы - 23 оқушы;
• «Музыкалық колледж – дарынды балаларға арналған музыкалық мектеп-интернат» кешені» ММ, Павлодар қаласы - 16 оқушы;
• Шығыс Қазақстан облыстық білім басқармасының Халық әртістері ағайынды Абдуллиндер атындағы өнер училищесі, Өскемен қаласы - 4 оқушы;
• Нұрғиса Тілендиев атындағы Кіші өнер академиясы, Атырау қаласы – 4 оқушы;
• Дина Нұрпейісова атындағы халықтық музыка академиясының – Атырау музыка колледжі Атырау қаласы – 2 оқушы.

Ансамбль скрипачей

Ансамбль народных инструментов